AP Medicxx 尖沙咀美麗華 試做冰冰針 好唔專業 $998

最近留意到好多YouTuber 介紹冰冰針 打完之後勁飽滿光澤 令我有個衝動去試 本身想試YouTuber 介紹果間首次體驗都係$998 但無得做 唯有上網揾🤔結果俾我揾到間首次試做係$998嘅 一心去試下😯 去到美麗華6樓 入到去見顧問 顧問無解釋冰冰針係什什麼 和有什麼要注意 只重複話要買三次先有效果🤨但明明YouTuber 果啲話打完兩星期都已經好水潤 😅我唔理啦 買一次試下先 諗住聖誕節靚一陣 🤣之後等左好耐就入房等醫生打 惡夢才開始 首先原來無麻醉架 😱之前冰敷都無 兩個女人叫我訓下 然後有個所謂係醫生嘅男人 我見到見唔到樣 距一眼都無望我 包裝盒又唔俾我睇 就直接話打落黎 🥺因為我上網睇係會揸麻醉膏 我問距地 距地話唔洗 打完用冰敷就得 頂距個肺 個醫生圍住塊面直接打落黎 打完影都唔見 我懷疑距唔係醫生 咩交代都無 好彩我無買其他嘢 如果用番呢個醫生真係死得啦。打完我問醫生係咩名 無人答到我 真係好恐怖😱 然後最差嘅係 手勢勁差 成面都係針孔 而且仲要瘀 我未試過打針會瘀成咁 🥺 大家睇相片就知。 其實距咁樣俾人試做 不如唔好做啦 唔會有反頭客 雖然我唔買距地嘅療程 都唔洗咁求奇 所以呢間一定係黑店 🤨1萬個劣質 有咩可能用打針療程 個醫生樣都唔俾你見下 打完即走出房 一啲職業道德都無 問叫咩名 竟然無個顧問知 連卡片都無 唉 大家做醫學美容之前 真係要小心 😣 我還是最推薦現在韓國那間美容院 不推銷 醫生專業 又明碼實價🥰

New Beauxx 1888 10次次S6溶脂 試後感 真係好廢

話說Facebook 瘋狂洗版 保證減磅 無效包退的10次 S6 溶脂 令我有心動去一試 。 然後上網預約 先不說功效 但職員態度已經超級差 我今次約了去朗豪坊18樓 準時去到 然後等了半小時才有職員出現。接著就幫我磅重但又沒有給我看結果，然後就不斷說我是深層肥胖 做S6溶脂只是去水腫 就迫我試做了另一個療程。做完之後就話個療程10次要18888, 是s6 溶脂的10倍。真係好好笑囉網上講到一定有效 但個顧問不斷話做你都冇用 。講到尾姐係危人上嚟試做在Sell 其他療程 。之後我問距1888 10次果個呢 ，個肥經理就好串咁話 你想浪費時間就俾你買 但因為無用嘅所以唔會有退款保證😅 好好笑 我最後就係睇下距又幾無用 買左1888 10次 。 話說今天第二次來 每次準時黎都要人等20分鐘，然後可能係最平嘅療程 顧問服務又差 質素又差 。第一次做得果20分鐘，但俾左好多粒機我。第二次個顧問為左快 hea 俾左4粒機我算😒 真係好廢 效果當然真係無啦 暖暖地咁lo 大家小心唔好俾人呃😂

我的美容日記 New Beauxx 之試做無針埋線

最近證記了試做無針埋線 今次在朗豪坊的 New Beauxx 去到原來很多人都來試做 最後帶了我到52樓做 話說New Beauxx 同 perfect medicxx 是同一個集團。 剛去的時候用電腦做了個皮膚分析 然後就解說一下無針埋線 主要就是提升皮膚。她們帶了我去Vip房是我意想不到的 但其實也是一樣的做 。分了三個頭做 牙交位和骨位都有點痛 不過能夠忍受的。做的時候有跟顧問透露想消走下巴的肉 顧問只強調做一次無效果 要做一個療程 即6次或12次。 之後打定無針埋線 其實即是一些激光的聚焦到真皮層 刺激骨膠原生長。塗了個保濕啫喱 等了半小時就完成。大家一定好好奇究竟免費試做怎樣可以不用放下錢就讓我走呢？ 這次顧問用了不到5分鐘讓我走 第一是已經9點多 她們想放工 第二是我只說幾句說話 我想考慮一下 諗下先 ！當然顧問臉色也不會很好看 最後就冷笑了一下 「那你諗下先 不用簽名走得啦！」最後還加一句 「記得打消脂針啦」 我當然明白免費試做看這臉色也很正常 價錢就如下 暫時來說我也認為負擔不來 所以都不想買 $18000 12次 $9000 6次 說送什麼什麼 我都不理解也不記得 只知一次要$1500蚊 所以就不買。

我的美容日記之微整型（淚溝篇）

小時候一直都被黑眼圈困擾 媽媽細個已經用飯和雞蛋幫我捽，那當然無效 。 都年紀越大 眼下開始陷左下去 感到好唔精神 老左幾年咁。終於，鼓起勇氣去打透明質酸填淚溝。 話說，我無經驗 上網揾了間優惠試做價 在尖沙咀金馬倫道的 expert medixxx,那顧問一上去見了我就迫我由試做價打透明質酸998元變到開刀抽脂18000元，我當然好生氣😡，為什麼我要做不必要手術。最後一怒之下走了，到了同層樓下的美容院 eternity care,其實我本來就在這家美容院有做開Facial,雖然價錢貴左 好像是3000元左右，但打完馬上見效，之後由2016年開始keep 住一年打一次。 最近一次，試了 skin & beam , $2800元 打Teosyal,入去俾完錢就等，等了好耐，然後沒有任何麻醉就直接打，雖然很驚，但又真係幾平。醫生是女醫生，見距無停過，真係好多客。講真又真係改左好多 雖然自己左右眼真係唔對稱，但係有改善。最後一次打，可能手機關係，分別都不太明顯，真實看就有效果。 另外，還加了打下巴，不過過了幾日仍覺痛。下次再俾相大家睇。

微整型試做 - one cosmxxxx 壹x健 一試做失敗

最近 網絡上有太多宣傳推廣美容的手法 多以首次試做平宜一點作招徠 今次我就試了一間醫學美容 看看有沒有什麼問題 今次試做的是壹x健 英文 one cosmxxxx 是在Facebook 見到的 說998 可以瘦面或微整型 主要是臉部注射 内容如下： 《新手微雕》升級版 新客優惠$998，任選以下一款： (1)面部填充 (2)去紋 (3)瘦面，可以留低電話幫你約上中心作免費咨詢先，請問你呢個星期邊日方便？謝謝！ 因為筆者我想打淚溝 約之前問了 可否瘦面加淚溝 她就話 可以約時間安排 好不容易約到了時間 特登上去 填了個人資料 等顧問 顧問一黎問我 ：想改善什麼 我話：淚溝 顧問：我地呢隻 restylane 粒子大 不適合打眼 打眼要J 字頭 唔化算 我問 ：那怎麼辦？ 顧問：不如你打sculpture la 可以打埋蘋果肌 淚溝就改善到 我問：幾錢 顧問 ：好抵 3枝針 $ 18000 我：太貴 顧問：那打淚溝 $6000一枝 我問：咁$998呢個 restylane 可以做什麼🤔 顧問：你為打而打好無謂架喎 我問：咁究竟有咩作用🤔🤔🤔😑打邊度架 顧問hea 答：無 太陽穴Lo 同塊臉兩邊 不過你都夠脹啦 仲要打呀😓 👈🏻明明宣傳時說可以瘦臉 卻說打了會肥 最後當然無買任何嘢啦 其實淚溝我之前打過 價錢不用$6000 不過間間唔同 真係無所謂 不過筆者應為既然不想用優惠價格幫首次顧客試做 就不要做這種宣傳 不要浪費大家時間 筆者真心想打淚溝的 但不知道那一間比較好 而之前做的那間比較小形 想轉另一家 而且看見這個優惠 結果這次試做失敗了 報告完畢 下次再介紹🤗

My (Working)Holidays

今天是我來到澳洲的第22日， 還沒有找到工作....其實早已預料 。 因為自己都明白到沒有什麼專長 ，唔搬得唔抬得 更加唔捱得🤦🏻‍♀️🤦🏻‍♀️😭不過試工機會都沒有 是有點失望的 雖然這是我一直以來想做的事 說真的 我都不敢告訴其他人，因為知道自己就算黎到 都沒有什麼大作為 應該洗曬啲錢就走得 不試過不會心死 不知道可以等幾耐 要努力實現夢想 💪🏻💪🏻💪🏻💪🏻 過了半年 終於從澳洲回來了 是不是失敗了？ 當然沒有 最後成功找到工作 還儲了一點錢 去了半個月旅行 只是繼續留下沒有意思 因為筆者向往澳洲的遊閒而不是想去做澳洲人不願做的勞動工人 所以提早回家去了 由當初覺得自己一定生存唔到 找不到工作 到找到工作 還可以有多餘錢整下 好像是奇蹟 但又真的一關關地過去 多話認識到的朋友 香港人 人在移地 有人幫一把真係好感動😹 在澳洲 做過嘉年華 跟老闆到處去開工遊玩 做過清潔 工廠🏭 採藍梅 有汗有歡笑 好壞參半 不過無後悔過去 最起碼去過才知道是怎樣 沒有去過 就什麼都不知道了 🤣🤣🤣

時間不等人

年輕的時候沒有想過幾多歲要做什麼 應該要怎樣做。 但當逐漸年老就開始感到有些事情不得不做 也不得不在謀個年紀前去實行。 活在當下，希望可以勇敢向前，以往不敢做的，請大膽嘗試，襯還年輕，因為當越大就越輸不起，有了愛的人，做任何事都不是個人責任了，要對家人有交代。 ~~~~~~~~~~~~~~~~~~~~~~~~~~~~~~~~~~~~~~ 雖然感到前路迷茫，但相信向前行就會有路